اسلام آباد:وزیراعظم عمران خان نے کہا ہے کہ ماضی کی حکمراں اشرفیہ نے بیرون ملک غیرقانونی اثاثے محفوظ کرنے کیلئے این آراو کا سہارا لیا، براڈ شیٹ کے انکشافات آغاز ہیں ،جاننا چاہتے ہیں کہ تحقیقات کس نے رکوائیں ۔

سماجی رابطے کی ویب سائٹ ٹوئٹر پر وزیراعظم عمران خان نے ماضی کے حکمرانوں پر کڑی تنقید کرتے ہوئے اپنے ٹویٹ میں کہاکہ پاناما پیپرز نے ماضی کے حکمرانوں کی کرپشن کو عیاں کیا تو اب براڈ شیٹ نے منی لانڈرنگ اور بدعنوانی کو بڑے پیمانے پر بے نقاب کردیا ,یہ اشرفیہ انتقامی کارروائی کے کارڈ کے پیچھے نہیں چھپ سکتی۔

Panama Papers exposed our ruling elites corruption & money laundering earlier. Now Broadsheet revelations have again exposed the massive scale of our ruling elites corruption & money laundering. These elites cannot hide behind "victimisation" card on these int revelations.

— Imran Khan (@ImranKhanPTI) January 13, 2021

وزیراعظم نے کہا کہ بار بار اشرافیہ کا بے نقاب ہونا کرپشن کیخلاف میری 24 سال کی جدوجہد کو بیان کر رہا ہے، یہ اشرافیہ حکومت میں آئی اور ملک کو تباہ کیا۔

عمران خان نے مزید کہاکہ اشرافیہ نے بیرون ملک میں غیرقانونی اثاثے بنانے کیلئے منی لانڈرنگ کی ،خود کو مقامی قانون سے بالاتر کیا اور پھر اپنا سیاسی اثر و رسوخ استعمال کر کے این آر او کا سہارا لیا ، این آر او سے اشرافیہ نے لوٹی دولت کو تحفظ فراہم کیا ،اس صورتحال سے سب سے زیادہ پاکستانی عوام کو نقصان ہوا۔

3. They do money laundering to stash their ill-gotten gains abroad, safe from domestic prosecution. 4. They then use their political clout to get NROs. That is how they kept their plundered wealth safe. People of Pak are biggest losers:

— Imran Khan (@ImranKhanPTI) January 13, 2021

وزیراعظم عمران خان نے کہاکہ کرپٹ اشرافیہ نے نہ صرف قوم کی دولت کو لوٹا بلکہ ان کے ٹیکس کی رقم بھی چوری کی، این آراو کی وجہ سے یہ لوٹی رقم ضائع ہو گئی۔

وزیراعظم نے مزید کہا کہ کرپشن کے یہ تمام انکشافات آغاز ہیں ، جاننا چاہتے ہیں براڈ شیٹ کو مزید تحقیقات سے کس نے روکا ، براڈ شیٹ سے مکمل شفافیت چاہتے ہیں۔

Not only is their nation's wealth stolen by the elites, their taxpayer money, paid for recovering this wealth, is wasted bec of NROs. These revelations tip of the iceberg. We want complete transparency from Broadsheet on our elites money laundering & on who stopped investigations

— Imran Khan (@ImranKhanPTI) January 13, 2021