کے الیکٹرک اور شیل پاکستان کے اشتراک سے کراچی میں پہلی بار الیکٹرک وہیکل چارجنگ اسٹیشنز کا قیام عمل میں لایا جا رہا ہے، جس سے وزیراعظم کے ویژن کے تحت الیکٹرک وہیکلز کے استعمال اور ماحول دوست گرین انرجی کو فروغ ملے گا۔

کے الیکٹرک اور شیل کے درمیان معاہدے پر دستخط کر دیئے گئے۔

پہلے مرحلے میں تین علاقوں میں الیکٹرک وہیکل چارجنگ اسٹیشنز قائم ہوں گے۔

کے الیکٹرک کے چیف اسٹریٹجی آفیسر ناز خان کا کہنا ہے کہ خیابان بحریہ گلشن ٹاؤن اور گڈاپ ٹاؤن میں چارجنگ اسٹیشنز قائم ہوں گے۔

شیل پاکستان لمٹیڈ کے جنرل منیجر ریٹیل طحہٰ مگربی نے کہا معاہدے سے صارفین کو سہولت ملے گی۔ ان فلنگ اسٹیشنز پر 50 کلوواٹ کے ریپڈ چارجرز نصب کیے جائیں گے، جبکہ آئندہ 3 سے 5 سال کے دوران دونوں ادارے مزید سائٹس کے قیام کے مواقعوں کا بھی جائزہ لیں گے۔