کراچی :سندھ کابینہ نے سکسیشن سرٹیفکیٹ 2020منظور کرلیا،نئے مجوزہ قانون کے تحت سکسیشن سرٹیفکیٹ کلئےد عدالت کے بجائے براہ راست نادرا کو درخواست دی جاسکے گی۔

وزیراعلیٰ سندھ سید مراد علی شاہ کی زیر صدارت میں کابینہ کا اجلاس ہوا، اجلاس میں صوبائی وزراء،چیف سیکریٹری اورمتعلقہ افسران شریک ہوئے۔

صوبائی کابینہ نے متفقہ طور پر سکسیشن سرٹیفکیٹ بل 2020منظور کر لیا، جس کے تحت انتقال کرنے والے شخص کے ورثاء اب عدالت جانے کے بجائے براہ راست جانے نادرا جاسکیں گے،بل اسمبلی میں متعارف کروانے کے بعد کمیٹی کو بھیجا جائے گا۔

کابینہ نے نئی گاڑیوں کی خریداری کیلئے کمیٹی بھی قائم کردی، جو حکومت کے پاس موجود گاڑیوں کا جائزہ لے گی۔

گاڑیوں کی الاٹمنٹ پالیسی بنانے کیلئے کمیٹی میں صوبائی وزراءمکیش کمارچاولہ،میرشبیر بجارانی اور سہیل انور سیال شامل ہوں گے۔

وزیراعلیٰ سندھ نے ہدایت کی کہ جو گاڑیاں تھوڑی مرمت سے استعمال ہوسکتی ہیں وہ افسران کو الاٹ کی جائیں۔