اسلام آباد:الیکشن کمیشن آف پاکستان نے وفاقی وزیر اقتصادی امور خسرو بختیار اور صوبائی وزیر خزانہ جواں بخت کیخلاف اثاثوں سے متعلق کیس کو ناقابل سماعت قرار دےدیا۔

الیکشن کمیشن کے ممبر پنجاب الطاف ابراھیم کی سربراہی میں چار رکنی بینچ نے وفاقی وزیر خسرو بختیار اور صوبائی وزیر پنجاب ہاشم جواں بخت کیخلاف اثاثے چھپانے سے متعلق دائر درخواست پر سماعت کی۔

درخواست گزار احسن عابد الیکشن کمیشن کے سامنے پیش ہوئے۔

الیکشن کمیشن نے وزیر خسرو بختیار اور ہاشم جواں بخت کیخلاف دائر درخواست پر فیصلہ سناتے ہوئے کیس کو ناقابل سماعت قرارد دیتے ہوئے درخواست خارج کر دی۔