سڈنی کرکٹ گراؤنڈ میں تماشائیوں کی تعداد محدود کر دی گئی جس کے بعد آسٹریلیا بھارت ٹیسٹ اب صرف 25 فیصد تماشائی دیکھ سکیں گے۔

کرکٹ آسٹریلیا کے مطابق 48 ہزار تماشائیوں کی گنجائش والے اسٹیڈیم میں روزانہ 12 ہزار تماشائی آسکیں گے، بورڈ نے یہ فیصلہ کورونا کے بڑھتے ہوئے کیسز کے پیش نظر نیو ساؤتھ ویلز کی حکومت کی ہدایات کی روشنی میں کیا ہے۔

دوسری جانب بھارت اورآسٹریلیا کی ٹیموں کے تمام کھلاڑیوں، سپورٹ اسٹاف اور میچ آفیشلز کے کوویڈ ٹیسٹ کی رپورٹس منفی آئی ہیں، 7 جنوری سے شروع ہونے والے تیسرے ٹیسٹ کیلئے دونوں ٹیمیں سڈنی پہنچ گئیں۔