کرائسٹ چرچ: نیوزی لینڈ کیخلاف دوسرے ٹیسٹ کی تیاری کیلئے قومی کرکٹ ٹیم نے کرائسٹ چرچ میں 3 گھنٹے کا ٹریننگ سیشن کیا، کپتان بابر اعظم نے بھی نیٹس پر بیٹنگ پریکٹس کی۔

نیوزی لینڈ کیخلاف دوسرے ٹیسٹ کیلئے قومی ٹیسٹ اسکواڈ نے ہیگلے اوول میں ٹریننگ کی۔ تین گھنٹے کے سیشن میں بیٹنگ، بولنگ اور فیلڈنگ کی بھرپور مشقیں کیں۔

انگوٹھے کی انجری میں مبتلا کپتان بابر اعظم بھی فٹنس کے حصول کیلئے کوشاں دکھائی دیئے اور نیٹس میں بیٹنگ پریکٹس کی۔

آل راؤنڈر فہیم اشرف سیریز کا اختتام فتح پر کرنے کیلئے پرامید ہیں۔ ان کا کہنا ہے کہ پہلے ٹیسٹ میں جو غلطیاں کیں اُنہیں دوسرے ٹیسٹ میں نہیں کریں گے۔

واضح رہے کہ پاکستان اور نیوزی لینڈ کے درمیان دوسرا ٹیسٹ اتوار سے ہیگلے اوول میں شروع ہوگا۔ میزبان ٹیم کو سیریز میں 0-1 کی برتری حاصل ہے۔