ماؤنٹ منگنوئی: قومی کرکٹ ٹیم کے سابق کپتان اظہر علی کا کہنا ہے کہ ماؤنٹ مانگنوئی ٹیسٹ کے آخری روز فواد عالم کے ساتھ بڑی شراکت قائم کرنے کی کوشش کروں گا۔

چوتھے روز کا کھیل ختم ہونے کے بعد ان کا کہنا تھا کہ پچ پر پرانی گیند تھوڑا رک کر آرہی ہے، اب یہ ایشیائی پچز جیسی نظر آرہی ہے۔

انہوں نے مزید کہا کہ کھیل کے آخری روز یہاں اسپنرز کو مدد مل سکتی ہے۔

واضح رہے کہ ماؤنٹ منگنوئی ٹیسٹ میں کیویز نے پاکستان کو جیت کیلئے 373 رنز کا ہدف دیا ہے جس کے جواب میں قومی ٹیم نے چوتھے روز کھیل کے اختتام تک 3 وکٹوں پر 71 رنز بنالئے ہیں۔ قومی ٹیم کو میچ میں فتح حاصل کرنے کیلئے 302 مزید رنز جبکہ کیویز کو 7 مزید وکٹیں درکار ہیں۔