اسلام آباد ہائیکورٹ نے پاکستان بارکونسل کا الیکشن رکوانے کی درخواست ناقابل سماعت قرار دیتے ہوئے مسترد کردی۔

اسلام آباد ہائیکورٹ کے چیف جسٹس اطہر من اللہ نے درخواست پر 2 صفحات پرمشتمل محفوظ فیصلہ جاری کیا ۔

جس میں کہا گیا کہ پنجاب بار کونسل کی ممبر بشری قمر نے اٹارنی جنرل کے نو دسمبر کے نوٹیفکیشن کوچیلنج کیا ، درخواست گزار انتخابات کے لیگل پریکٹیشنر اینڈ بار کونسل ایکٹ کی خلاف ورزی سے متعلق عدالت کومطمئن نہ کرسکیں اور وہ امیدوار بھی نہیں ہیں۔

عدالت نے کہاکہ سپریم کورٹ کے فیصلوں کے تناظر میں آرٹیکل 199 کے تحت یہ درخواست نہیں سنی جا سکتی۔