شادی کا دن انسان کی زندگی کا سب سے یادگار دن ہوتا ہے اور اس دن کو وہ کبھی نہیں بھولتا تاہم کبھی کسی کی شادی میں ایسا واقعہ بھی رونما ہوجاتا ہے جو نہ صرف دلہن دولہا بلکہ مہمان بھی نہیں بھُلا پاتے۔

موجودہ کورونا وباء کے دنوں میں بھی شادیوں کا سلسلہ تیزی سے جاری ہے، حال ہی میں بھارتی ریاست راجستھان میں ایک ایسی شادی ہوئی ہے جس میں عین شادی کے روز ہی دلہن کے کورونا ٹیسٹ کی رپورٹ مثبت آگئی۔

بھارتی میڈیا رپورٹس کے مطابق عین شادی کے روز دلہن کی کورونا رپورٹ مثبت آنے کے باوجود بھی تقریب کو منسوخ نہیں کیا گیا بلکہ راجستھان کے کلواڑا کوویڈ سینٹر میں جوڑے نے زندگی کے نئے سفر کا آغاز کردیا۔

اس شادی کی تقریب میں دلہن نے روایتی عروسی لباس کی بجائے حفاظتی لباس زیب تن کیا۔ اس شادی کی ویڈیو سوشل میڈیا پر وائرل ہوگئی ہے۔ ذیل میں ملاحظہ کریں۔