شیو سینا کی جانب سے ممبئی میں موجود 'کراچی' بیکری کا نام تبدیل کرنے کے مطالبے پر خود بھارتیوں نے شیو سینا اور بی جے پی حکومت کی کلاس لے لی۔

بھارتی انتہا پسند پاکستان سے نفرت میں اندھے ہوگئے، ممبئی میں موجود 'کراچی بیکری' شیوسینا کو کھٹکنے لگی۔ بیکری کے مالک کو نام بدلنے کیلئے دھمکیاں دینے لگے۔

شیو سینا کا رہنما نتن نند گاؤنکرکہتا ہے کہ اسے کراچی نام سے نفرت ہے۔ اُس نے 'کراچی' کو مراٹھی میں کسی نام سے تبدیل کرنے کا الٹی میٹم دے دیا۔

شیو شینا رہنما کی دھمکی کے بعد دکاندار نے بیکری کے نام کو اخبار کے ساتھ تو ڈھانپ دیا لیکن اس اقدام سے کئی بھارتی شہری برہم ہوگئے۔

ٹوئیٹر پر انڈین صارفین پھٹ پڑے، ایک صارف نے لکھا کہ اگرپاکستان کے شہر حیدرآباد میں بمبئی بیکری ہوسکتی ہے تو بھارت کے شہر ممبئی میں کراچی نام کی بیکری کیوں نہیں چل سکتی؟ یہ کیسا انصاف ہے۔

ایک اور صارف نے لکھا کہ بی جے پی بھارت کو پتھروں کے دور میں دھکیل رہی ہے۔