امریکا میں صدارتی انتخاب والے روز لاکھوں امریکیوں کو گھروں پر رہنے کے حوالے سے پُراسرار کالز موصول ہونے کا انکشاف ہوا ہے۔

امریکی تحقیقاتی ادارے "ایف بی آئی" نے ان پُراسرار کالز کی تحقیقات شروع کردی ہیں۔

خبر رساں ایجنسی کے مطابق مبینہ پُراسرار کالز خود کار کال سسٹم "روبو کالز" کے ذریعے لوگوں کو کی گئیں۔ جن میں لوگوں کو محفوظ رہنے اور گھروں میں رہنے کی تاکید کی گئی۔

روبو کالز کی تحقیقات کرنے والے ادارے کے مطابق ایسی روبو کالز شہریوں کو ایک سال سے مل رہی ہیں، لیکن منگل کو ان کالز کی بڑی تعداد ریکارڈ ہوئی۔

ایف بی آئی کا کہنا ہے کہ وہ روبو کال کی خبروں سے باخبر ہیں تاہم ادارے کی جانب سے مزید کوئی تبصرہ نہیں کیا گیا۔