وزیراعظم عمران خان نے دیامیر بھاشا ڈیم سائٹ کا دورہ کیا جہاں چیئرمین واپڈا نے وزیراعظم کو جاری کام کے حوالے سے بریفنگ دی۔وزیراعظم نےکہاکہ دیامیر بھاشاڈیم ملک کےلئےاہم ترین منصوبہ ہے۔اس ڈیم سے پانی ذخیرہ اوربجلی بنے گی۔روزگارکے مواقع ملیں گے اورمعیشت مزید مستحکم ہوگی۔

وزیراعظم عمران خان نےدیامیربھاشا ڈیم سائٹ کا دورہ کیا۔چیئرمین واپڈا لیفٹیننٹ جنرل ریٹائرڈ مزمل حسین نے وزیر اعظم کو جاری کام کے حوالے سے بریفنگ دی۔

وزیراعظم نے ڈیم پر جاری کام کا جائزہ لیا اور کام کرنے والے کارکنان سے گفتگو بھی کی۔

وزیراعظم نے کہا کہ دیامیر بھاشا ڈیم ملک کےلئے اہم ترین منصوبہ ہے۔

انہوں نے کہا کہ جہاں اس ڈیم سے پانی ذخیرہ اور بجلی بنے گی وہاں اس کی وجہ سے تربیلہ ڈیم کی کارآمد معیاد میں اضافہ ہوگا۔ روزگار کے مواقع ملیں گے اور معیشت مزید مستحکم ہوگی۔