ساؤتھ ایشین گیمز میں شرکت کرنے والے تین پاکستانی ایتھلیٹس پر چار چار سال کی پابندی عائد کردی گئی۔ محبوب علی، محمد نعیم اور سمیع اللہ کے ڈوپ ٹیسٹ مثبت آئے تھے۔

تفصیلات کے مطابق پاکستانی ایتھلیٹس محبوب اور نعیم نے دوبارہ ٹیسٹ کروائے جبکہ سیمع اللہ نے غلطی کا اعتراف کیا تھا۔

تینوں ایتھلیٹس کو میڈلز واپس کرنا پڑیں گے اور چار سال تک کسی ایونٹ میں شرکت نہیں کرسکیں گے۔

گزشتہ برس نیپال میں ہونے والے ایونٹ میں محبوب اور نعیم نے گولڈ جبکہ سمیع اللہ نے برونز میڈل لیا تھا۔