وزیراعظم عمران خان نے اسامہ بن لادن کو شہید قرار دے دیا اور کہا اسامہ بن لادن کی موت کے بعد پوری دنیا نے ہمیں گالیاں نکالیں۔

وزیراعظم کا کہنا تھا کہ ہمارا اتحادی ہمارے ملک میں آکر کارروائی کررہا تھا،ہماری حکومت کی سب سے بڑی کامیابی فارن پالیسی ہے۔

وزیراعظم عمران خان نے مزید کہا کہ ہماری حکومت امریکا کی جنگ کا حصہ نہیں بنی، آج ہمیں ڈونلڈ ٹرمپ عزت دیتا ہے،اب امریکا درخواست کرتا ہے۔

انہوں نے مزید کہا کہ افغانستان میں امن کیلئے بھی پاکستان کا بڑا کردار ہے، آج کوئی ہمیں دوغلی پالیسی کا الزام نہیں دیتا۔