ممبئی:بولی وڈ کی بنگالی حسینہ رانی مکھرجی اپنی زندگی کی اڑتیس بہاریں دیکھ چکی ہیں،وہ آج ہی کے دن انیس سو اٹہتر کو اس دنیا میں آئی تھیں ۔

اُس وقت ان کے بارے میں کسی کو بھی یہ گمان نہیں تھا کہ وہ ایک دن بولی وڈ انڈسٹری پر راج کریں گی۔آج ان کی اڑتیسویں سالگرہ کے دن ہم آ پ کو ان کی زندگی کے چند ایسے رازوں سے واقف کروائیں گے جنہیں جان کر آپ یقیناً حیران بھی ہونگے اور انجوائے بھی کریں گے۔

٭تمام لوگ یہ بات جانتے ہوں گے کہ رانی مکھرجی نے بولی وڈ میں قدم فلم راجا کی آئے گی بارات کے ذریعے رکھا تھا لیکن بہت کم لوگوں کو اس بات کا علم ہوگا کہ انہوں نے سب سے پہلے اپنے والد کی بنگالی فلم بیار پھول میں سائیڈ ہیروئن کا کردار نبھایا تھا۔

٭انیس سو چورانوے میں سلمان خان کے والد سلیم خان انہیں اپنی فلم میں بطور ہیروئن لینا چاہتے تھے لیکن رانی کے والد نے انکار کردیا اور اس کی وجہ یہ بیان کی کہ رانی ابھی صرف سولہ سال کی ہیں اور وہ نہیں چاہتے تھے کہ وہ اتنی چھوٹی عمر میں فلموں کا حصہ بنیں۔

٭یہ بات آپ کیلئے حیرانی کا باعث بنے گی کہ رانی مکھرجی کی پہلی کامیاب فلم کچھ کچھ ہوتا ہے میں کرن جوہر کی پہلی پسند رانی کی بجائے اداکار اکشے کمار کی بیوی ٹوئینکل کھنا تھیں ،ٹوئینکل کے انکار کے بعد رانی کو اس کردار کی آفر ہوئی اور اس طرح انہیں اپنی زندگی کا پہلا کامیاب کردار کرنے کا موقع ملا۔

٭رانی نے بظاہر تو کسی ہالی وڈ فلم میں کام نہیں کیا لیکن وہ ہالی وڈ کے پروجیکٹ کا حصہ ضرور رہی ہیں جن میں گیمبلنگ اورگاڈز اینڈ ایل ایس ڈی شامل ہیں۔