امریکا نے سال کے آخر تک ویکسین کی دستیابی کیلیے آپریشن وارپ اسپیڈ کا اعلان کردیا۔

صدر ٹرمپ نےکہا ویکسین کی بلامعاوضہ دستیابی  پر بھی غورکر رہے ہیں۔لیکن ویکسین آئے یا نہ آئےاب امریکا کوجلد کھول دیا جائے گا۔

 کورونا ویکسین کی جلد تیاری کےلیےامریکا نے اقدامات شروع کردیئے ۔  ڈونلڈ ٹرمپ نے 'آپریشن وارپ اسپیڈ‘ شروع کرنےکا اعلان کردیا۔  امریکی صدرنےکہا کہ آپریشن کا مقصد ویکسین پرکام  ،اس کی تیاری اورمصدقہ ویکسین کے طورپراسکی فروخت کو جلد سےجلد ممکن بناناہے،دیگر ممالک کے ساتھ مل کر ویکسین بنانے کی کوشش کی جارہی ہے۔

ٹرمپ نے کہا کہ ممکنہ طور پر ویکسین کی بلامعاوضہ  دستیابی پرغور کررہے ہیں۔لیکن ویکسین آئے یا نہ آئے   اب امریکا جلد کھول دیا جائے گا۔

 ادھرامریکی صدرکی مخالفت کے باوجود ایوان نمائندگان  میں تین ٹریلین ڈالر مالیت کا ریلیف پیکج منظورکرلیا گیا۔

 نیویارک اوراوہائیو سمیت مختلف ریاستوں میں لاک ڈاؤن  میں نرمی کے بعد کاروبارزندگی بحال ہونا شروع ہوگئے۔

 ادھرریاست فلوریڈاکےکئی مریضوں نےجنوری سےکورونا  کیسزکی موجودگی کا انکشاف کرڈآلا اور کہا کہ یکم  جنوری  کو متعدد افراد میں علامات ظاہرہوئیں لیکن  یکم مارچ کو  کو پہلے دوکیسز کااعلان کیاگیا۔