پاکستان کے عالمی شہرت یافتہ گلوکار عاطف اسلم نے رمضان المبارک کے اس بابرکت مہینے میں مداحوں کو 'اسماء الحسنیٰ' (اللہ تعالی کے 99 نام) کا خاص تحفہ دے دیا۔

تفصیلات کے مطابق عاطف اسلم نے کورونا وائرس کے باعث جاری اس مشکل وقت میں امید اور اظہار یکجہتی کیلئے اللہ تعالیٰ کے 99 ناموں کا خاص تحفہ پیش کیا ہے۔

انہوں نے اپنے ٹویٹر اکاؤنٹ سے اس کی ویڈیو شیئر کرتے ہوئے لکھا کہ 'ہم ان اوقات میں انسانیت کے ساتھ کھڑے ہیں، یہ امید اور یکجہتی کا ایک شائستہ اظہار ہے'۔

Coke Studio Special | Asma-ul-Husna | The 99 Names | #AtifAslam

A humble expression of hope & solidarity, as we stand with humanity in these times.#Aadee #Aadeez #HopeForHumanity #CokeStudioRamzanhttps://t.co/x1tqD7duPd

— Atif Aslam (@itsaadee) May 14, 2020

عاطف اسلم کی جانب سے پیش کئے گئے اس تحفے کو مداحوں کی جانب سے خوب پسند کیا جارہا ہے اور چند گھنٹوں میں ہی یوٹیوب پر اس ویڈیو کو 12 لاکھ سے زائد مرتبہ دیکھا جاچکا ہے۔

واضح رہے کہ عاطف اسلم اس سے قبل اپنی سحر انگیز آواز میں مشہور قوالی 'تاجدارِ حرم'، کلام 'وہی خدا ہے' اور 'اذان' بھی پیش کرچکے ہیں۔