وزیرِاعظم نے پاکستان پوسٹ پنشن فنڈ کے قیام کی اصولی منظوری دے دی۔وزیر اعظم نے کہا پنشن کے نظام کوجدید خطوط پرانتظام یقینی بنایا جائےتاکہ حکومت پرپڑنےو الے بوجھ میں کمی لائی جاسکے۔

وزیراعظم کی زیر صدارت پاکستان پوسٹ ملازمین کی پینشن کے حوالے سےاجلاس میں پاکستان پوسٹ پنشن فنڈ کے قیام کی اصولی منظوری دےدی۔

اجلاس میں بتایا گیا کہ پاکستان پوسٹ کے بجٹ اخراجات کا تقریباً 34فیصد حصہ پنشن پرمشتمل ہے جس میں بتدریج اضافہ ہورہا ہے۔پاکستان پنشن فنڈ کے قیام کا مقصد حکومت پرپڑنے والے پنشن کے بوجھ میں کمی لانا اورملازمین کی پنشن کے معاملات کا بہترانتظام یقینی بنانا ہے۔

وزیراعظم نے پاکستان پوسٹ میں اصلاحات کے حوالے سے وزارت مواصلات کی کارکردگی کوسراہا۔

مشیراصلاحات ڈاکٹرعشرت حسین نے  مجموعی طور سرکاری ملازمین کی پنشن کے حوالے سے مرتب کی جانے والی تجاویزکے بارے میں وزیرِاعظم کو آگاہ کیا۔

وزیرِاعظم نے کہا کہ حکومت کے محدود مالی وسائل اورپنشن کے بڑھتے ہوئے اخراجات کومدنظر رکھتے ہوئے پنشن کے نظام کا جدید خطوط پرانتظام یقینی بنایا جائے۔