پاکستان کرکٹ ٹیم کے فاسٹ بولر رومان رئیس نے ملک بھر میں لاک ڈاؤن کی وجہ سے متاثرہ افراد کی امداد کیلئے کرکٹ کا سامان نیلام کرکے 9 لاکھ سے زائد کا فنڈ اکٹھا کرلیا۔

رومان رئیس گزشتہ چند دنوں سے کورونا وبا کے دوران لاک ڈاون کے متاثرین میں راشن کی تقسیم کا کام کرر رہے ہیں۔

اس کام کیلئے فنڈز اکٹھا کرنے کی غرض سے انہوں نے اپنا کرکٹ کا سامان نیلام کرنے کا اعلان کیا تھا۔

Final auction announcement
AND I CONGRATS TO ALL THE WINNER AND KEEP DONATE US KEEP SUPPORT US THANKS ALOT https://t.co/wx0O35tHEg

— Rumman Raees (@rummanraees15) April 19, 2020

رومان رئیس نے چیمپئنز ٹرافی میں ڈیبیو پر پہنی گئی کیپ، پاکستان اور اسلام آباد یونائیٹڈ کی شرٹ اور کرکٹ بیٹ نیلام کی۔ نیلامی کا عمل 16 سے 19 اپریل تک جاری رہا۔

رومان رئیس کی چیمپئنز ٹرافی کیپ کی سب سے زیادہ بولی 1 لاکھ 60 ہزار لگی۔ اُن کا بیٹ 80 ہزار روپے جبکہ اسلام آباد یونائیٹڈ کی شرٹ 60 ہزار روپے میں نیلام ہوئی۔

کرکٹ گئیرز کی نیلامی سے رومان کے پاس 9 لاکھ روپے سے زائد فنڈ اکٹھا ہوا جس سے متاثرین کو راشن اور رمضان المبارک کے دوران سحری اور افطاری فراہم کی جائے گی۔