وزیراعظم عمران خان سے معروف عالم دین مولانا طارق جمیل نے ملاقات کی۔

وزیراعظم نے کورونا وائرس کے خلاف عوامی آگاہی مہم کے لیے طارق جمیل کی خدمات کو سراہا۔

وزیر اعظم نے کہا کہ کورونا کی وبا سے نمٹنے کے لیے علمائے کرام کا تعاون درکار ہے۔

وزیراعظم نے کہا کہ وہ بہت جلد علمائے کرام کے وفد سے ملاقات کریں گے۔

عمران خان نے کہا حکومتی کوششوں کا مقصد عوام کو ایک ایسی وبا سے محفوظ رکھنا ہے جس نے پوری دنیا کو اپنی لپیٹ میں لے رکھا ہے۔

عمران خان کا کہنا تھا کہ علمائے کرام نے ہر موڑ پر اور ہر مشکل کی گھڑی میں حکومت کی رہنمائی کی ہے۔ وزیراعظم نے کہا کہ ماہ رمضان کے پیش نظر علمائے کرام کی مشاورت سے لائحہ عمل مرتب کیا جائے گا۔