معروف عالم دین علامہ ناصر مدنی بھی اپنے گزشتہ بیان سے پلٹ گئے ہیں اور کورونا وائرس کے پھیلاﺅ کیخلاف احتیاطی تدابیر پر عملدرآمد کے حامی ہو گئے ہیں۔

انہوں نے اب نئی ویڈیو میں اس مشکل وقت میں تمام اداروں کا ساتھ دینے کی اپیل کی ہے۔

واضح رہے کہ علامہ ناصر مدنی کی ایک ویڈیو سوشل میڈیا پر وائرل ہوئی جس میں وہ کورونا وائرس کیخلاف حکومتی اقدامات اور کورونا سے بچاﺅ کیلئے احتیاطی تدابیر کے خلاف بات کرتے نظر آئے۔

علامہ ناصر مدنی کا کہنا تھا 'کورونا وائرس کچھ بھی نہیں ہے، یہ کہتے ہیں کہ کورونا وائرس پھیل گیا ہے، یہ ہو گیا ہے، ایک جگہ جمع نہ ہوں۔ اگر مسلمان موت سے ڈرتا تو ٹیپو سلطان نہ ہوتا، راحیل شریف کا بھائی شبیر شریف نہ ہوتا، میجر عزیز بھٹی نہ ہوتا، آپ لاہور میں کھڑے نہ ہوتے،

ویڈیو میں انہوں نے پوچھا کہ جب لاہور میں ڈینگی آیا تو کوئی مرا؟ ڈینگی آیا تو اتنے لوگ نہیں مرے، کینسر سے کون مرا ہے؟ پولیس والے ناکوں پر کھڑے ہوتے ہیں، دھول کھاتے ہیں، آدھوں کو کینسر اور آدھوں کو ہیپاٹائٹس ہو گیا ہے، کبھی غور کیا ہے؟

انہوں نے کہا کہ میں یہ پیغام دیتا ہوں کورونا وائرس ایسے نہیں پھیلنا، جہاں مرضی جمع ہو جائیں، لیکن ایک بات یاد رکھیں، موت شیشے کے کمرے میں بھی آ جائے گی، یہ عالمی سازش ہے کہ تمام ممالک کی اسٹاک مارکیٹس ختم کر دیں، ہم اتنے لوگ کھڑے ہیں، ہمیں تو کچھ نہیں ہو رہا۔'

علامہ ناصر مدنی کی لوگوں کو کورونا وائرس سے نا ڈرنے کی تلقین

کورونا شرونا کچھ نہیں ہے ، جتنے مرضی اجتماع کرو

کوئی آج تک ڈینگی سے نہیں مرا تو کورونا سے کیوں مرے گا

یہ عالمی سازش ہے اپنی دوائیاں بچنے کے لیے #NasirMadni#COVID2019 pic.twitter.com/VSctg8IKYn

— PakShows.pk (@PakShowsPk) March 25, 2020

اب مولانا ناصر مدنی کی ایک نئی ویڈیو جاری کی گئی ہے جس میں انہوں نے اپنی گزشتہ تمام باتوں سے انکار کرتے ہوئے بتایا کہ لاہور پولیس نے بریفنگ دی ہے جو یقیناً پاکستان اور پوری انسانیت کے حق میں ہے اور اس کے ساتھ ہی انہوں نے اپنے چاہنے والوں سے کورونا وائرس جیسی موذی وباء سے بچاﺅ کی تدابیر اور پابندیوں پر عملدرآمد یقینی بنانے کی تاکید کی۔

علامہ ناصر مدنی نے کہا 'میرے چاہنے والے تمام ناظرین، میرے چنوں اور میرے مکھنوں! آپ کورونا وائرس کیخلاف لڑیں، اپنی پولیس، فوج اور حکومت کا ساتھ دیں، کسی سے ہاتھ نہ ملائیں، کسی سے گلے نہ ملیں، ڈاکٹر صاحبان کا ساتھ دیں، گھروں میں بھی اکٹھے ہو کر مت بیٹھیں بلکہ الگ الگ بیٹھیں، تولیہ بھی ایک دوسرے کا استعمال نہ کریں، اپنے ہاتھوں کو بار بار صابن سے دھوئیں، پاکستان میں اور پوری دنیا میں انسانیت کیلئے کام کریں، غریبوں کے گھروں میں راشن پہنچائیں۔'

انہوں نے کہا 'مجھے لاہور پولیس نے بریف کیا اور جو بریفنگ دی گئی وہ پاکستان اور انسانیت کے حق میں ہے، یہ وقت کورونا کیخلاف لڑنے کا ہے، باہر دکانوں پر مت جائیں اور دکانیں مت کھولیں۔'

پولیس کو ایزی نہیں لینا وہ بھی سافٹ ویئر اپڈیٹ کردیتی ہے
۔

Janu I am Update#nasirmadni #Azaan #ChineseVirus19 pic.twitter.com/d3SpKseRp3

— Javed Ghaffari (@javedghaffari) March 28, 2020