کورونا وائرس سے محفوظ ہونے کا دعویٰ کرنے والی روسی قیادت بھی اس وباء کا شکار ہوگئی۔

ذرائع کے مطابق روسی صدر ولادی میر پیوٹن کی انتظامیہ کے متعدد اہلکاروں میں کورونا وائرس کی تصدیق کی گئی ہے، تاہم متاثرہ افراد میں سے کسی نے صدر پیوٹن سے ملاقات نہیں کی۔ اس لیے صدر پیوٹن اس بیماری سے محفوظ ہیں۔

کریملن کے ترجمان دمتری پیسکوف نے بتایا کہ روسی صدر کے دفتر کی انتظامیہ کے عہدیداروں میں وائرس کے پھیلاؤ کو روکنے کے لیے اقدامات کیے جا رہے ہیں۔

انہوں نے روسی نیوز ایجنسی انٹرفیکس کو روسی وزیراعظم میخائل مائیکلسٹن کے حوالے سے کہا کہ انہوں نے شہریوں سے اپیل کی ہے کہ وہ سوائے ضرورت کے اور نقل مکانی سے گریز کریں۔

وزیراعظم نےعوام سے اپیل کی ہے کہ وہ کورونا وائرس کے پھیلاؤ کو روکنے کی کوشش میں حکومت کے ساتھ تعاون کریں اور خود گھروں میں رہیں۔

کل جمعہ کے روز روس میں کورونا کے متاثرہ مریضوں کی مجموعی تعداد ایک ہزار سے تجاوز کرگئی ہے۔