چین کے صوبے ووہان سے جنم لینے والی عالمی وباء کورونا وائرس نے دنیا بھر میں تباہی مچائی ہوئی ہے اور اس سے اب تک تقریباً 190 ممالک متاثر ہوچکے ہیں۔ اس وباء سے چھٹکارا پانے کیلئے کئی ملکوں میں لاک ڈاؤن جاری ہے۔

ایسے میں جہاں حکومتیں اس مشکل گھڑی میں اپنے شہریوں کی آسانی کیلئے اقدامات اٹھارہی ہیں وہیں کھلاڑیوں نے بھی حکومتوں کے ساتھ تعاون کیلئے فنڈز اکھٹا کرنا شروع کردیئے ہیں۔

آج سری لنکن کرکٹرز نے پاکستانی کرکٹرز کو پیچھے چھوڑتے ہوئے کرونا وائرس کے فنڈ میں 25 ملین جمع کروانے کا اعلان کیا ہے۔

سری لنکن میڈیا رپورٹس کے مطابق یہ رقم کورونا وائرس کے خلاف جاری مہم میں میڈیکل کٹس اور دوسرے ضروری آلات کی خریداری پر خرچ کی جائے گی۔

Sri Lanka Cricket (SLC) has taken a decision to grant a sum of LKR 25 million to the Government to help its efforts toward combating the Covid-19 pandemic, which has created a national health crisis.
READ: https://t.co/A9Cm2L6t1x #Lka #COVID19LK pic.twitter.com/KHxEv68v6N

— Sri Lanka Cricket 🇱🇰 (@OfficialSLC) March 23, 2020

واضح رہے کہ گزشتہ روز پی سی بی کی جانب سے بھی ایک اعلامیہ جاری کیا گیا تھا جس کے مطابق پی سی بی کے سینٹرل کنٹریکٹ یافتہ کھلاڑی کورونا وائرس فنڈ میں مشترکہ طور پر 5 ملین یعنی 50 لاکھ روپے دیں گے۔