بھارت کے سابق اسٹار اسپنر ہربھجن سنگھ پاکستان کے سابق کپتان بوم بوم شاہد خان آفریدی کے انسان دوستی جذبے کے معترف ہوگئے۔

ہربھجن سنگھ نے اپنے ٹوئٹر اکاؤنٹ سے شاہد آفریدی کی کچھ تصاویر شیئر کیں اور اُن کے فلاحی کاموں کو سراہا۔

Great work for humanity @SAfridiOfficial May god bless us all.. more power to you.. praying for world’s well being..🙏🙏 Nanak naam chardikala tere bhaane sarbat da bhala 🙏🙏 pic.twitter.com/I0ijsTQ4vO

— Harbhajan Turbanator (@harbhajan_singh) March 25, 2020

انہوں نے لکھا کہ شاہد آفریدی انسانیت کیلئے عظیم کام کررہے ہیں، خدا ہم سب پر رحم فرمائے۔ انہوں نے دنیا کی خیریت کیلئے دعا بھی کی۔

اس ٹویٹ کا جواب دیتے ہوئے شاہد آفریدی نے ہربھجن سنگھ کا شکریہ ادا کیا اور لکھا کہ انسانیت ہر چیز سے بڑھ کر ہے۔

Humanity is bigger than anything! Thank you Bhajji for your kind words. The world needs to unite, it is our collective responsibility to help the poor and needy in every way possible in the global fight against #COVID2019 https://t.co/QasLBJ9kXk

— Shahid Afridi (@SAfridiOfficial) March 25, 2020

انہوں نے مزید لکھا کہ اس وقت دنیا کو متحد ہونے کی ضرورت ہے، یہ ہماری اجتماعی ذمہ داری ہے کہ کوویڈ 19 سے پیدا ہونے والی صورتحال میں ہر ممکن طریقے سے غریبوں اور ضرورت مندوں کی مدد کی جائے۔

واضح رہے کہ بوم بوم آفریدی دکھی انسانیت کی خدمت کیلئے ایک فاؤنڈیشن چلاتے ہیں اور کورونا وائرس کی وجہ سے ان دنوں مزید بڑھ چڑھ کر غریبوں اور ناداروں کی مدد کررہے ہیں۔