واشنگٹن: امریکی صدر ڈونلڈ ٹرمپ کی کورونا وائرس ٹیسٹ کی رپورٹ آگئی۔ صدر ٹرمپ کی میڈیکل رپورٹس تسلی بخش ہیں، صدر میں کورونا وائرس کی تشخیص نہیں ہوئی۔

امریکی صدر ڈونلڈ ٹرمپ نے کورونا وائرس کا ٹیسٹ کروا لیا تھا جس کے بعد رپورٹس آنے کا انتظار تھا۔

BREAKING: Trump doctor says president has tested negative for novel coronavirus. Follow AP coverage of the virus outbreak here: https://t.co/mh3CZPoXj5

— The Associated Press (@AP) March 14, 2020

ہفتہ کو ٹرمپ نے اپنے بیان میں کہا کہ کورونا وائرس کا ٹیسٹ کرا لیا ہے اور اب رپورٹ کا انتظار کر رہا ہوں۔

انہوں نے کہا تھا کہ مجھے بخار نہیں، میری حالت نارمل ہے تاہم ڈاکٹرز کے مشورے کے بعد احتیاطی تدابیر کے طور پر ٹیسٹ کرایا ہے۔

میڈیکل ڈاکٹر نے ٹرمپ کے ٹیسٹ سے ایک روز قبل کہا تھا کہ امریکی صدر میں کورونا وائرس کی کوئی علامات ظاہر نہیں ہوئیں اس لیے انہیں قرنطینہ میں رکھنے کی ضرورت نہیں۔

واضح رہے کہ رواں ہفتے ٹرمپ سے ملاقات کرنے والے دو برازیلین حکام میں کورونا وائرس کی تشخیص ہوئی جس کے بعد وائٹ ہاؤس کے میڈیکل ڈاکٹرز نے انہیں ٹیسٹ کرانے کا مشورہ دیا تھا۔