کراچی میں پی ایس ایل فائیو کا میلہ کل سے پھر سجے گا۔ کورونا وائرس کے پیش نظر نیشنل اسٹیڈیم میں سخت حفاظتی انتظامات کیا جائیں گے۔ اسٹیڈیم آنے والے شائقین کیلئے بھی ہدایات جاری کردی گئیں۔

شہرقائد میں پی ایس ایل کی رونقیں، شائقین میچ انجوائے کرنے ضرور آئیں لیکن احتیاطی تدابیر بھی اختیار کریں۔

اگر آپ نے 15 سے 20 روز کے دوران بیرون ملک سفر کیا ہے تو پھر اسٹیدیم کا رخ نہ کریں۔ نزلہ اور کھانسی کی صورت میں بھی میچ گھر پر بیٹھ کر دیکھیں۔

کھانسی یا چھینک کے بعد صابن سے ہاتھ دھوئیں۔ چھینکتے وقت ٹشو پیپرز یا رومال استعمال کریں۔ ہاتھ ملانے اور گلے ملنے سے پرہیز کریں۔ غیر ضروری کرسیاں اور ریلنگ کو نہ چھوئیں۔ کھلے عام تھوکنے، خالی بوتلیں اور ریپر پھینکنے سے گریز کریں۔

میچز سے قبل اسٹیڈیم میں جراثیم کش اسپرے کیا جائے گا، اسٹیڈیم میں ہر جگہ سینی ٹائزر رکھے جائیں گے اور شائقین کی داخلے سے قبل مکمل اسکریننگ کی جائے گی۔