راولپنڈی: پشاور زلمی کے کپتان ڈیرن سیمی نے کپتانی سے مستعفی ہونے کا اعلان کردیا، ان کی جگہ وہاب ریاض اب ٹیم کی قیادت کریں گے۔

تفصیلات کے مطابق پریس کانفرنس میں ڈیرن سیمی نے پشاور زلمی کی قیادت سے استعفیٰ دے دیا جبکہ انہیں آئندہ 2 سال کیلئے نیا ہیڈ کوچ مقرر کردیا گیا ہے۔

پشاور زلمی کے ڈائریکٹر کرکٹ محمد اکرم سیمی کے ہمراہ پریس کانفرنس میں موجود تھے۔ انہوں نے کہا کہ ڈیرن سیمی سے ہمارا معاہدہ بطور ہیڈ کوچ اور کھلاڑی ہوا ہے، وہ بطور کھلاڑی بھی کھیل سکتے ہیں۔

محمد اکرم کا کہنا ہے کہ ڈیرن سیمی کو ڈیرن زلمی کا نام دیا گیا ہے، اس موقع پر سیمی نے کہا کہ پشاور زلمی سے تعلق صرف کھیل کی حد تک نہیں ہے۔