لاہور قلندرزکو پشاور زلمی کے ہاتھوں شکست پاکستان سپرلیگ فائیو میں لاہور قلندرز کو مسلسل تیسری شکست ہوگئی۔

بارش سے متاثرہ سیزن فائیو کے گیارہویں میچ میں پشاورزلمی نے لاہور قلندرز کو سولہ رنزسے ہرادیا۔

راولپنڈی میں بارش سے متاثرہ میچ کو بارہ اوورز فی اننگز محدود کیا گیا۔ پشاورزلمی نے پہلے خوب لاٹھی چارج کیا۔ ٹام بینٹن اور حیدرعلی نے چونتیس چونتیس رنز بنائے۔

پھرلاہور قلندرز کے دلبر حسین کا جادو چلا، چار وکٹیں اڑائیں۔ پشاورزلمی نے سات وکٹوں پر ایک سوبتیس رنز بناڈالے۔

جواب میں اوپنرز نے لاہور قلندرز کو جارحانہ آغاز فراہم کیا۔ پھروکٹیں گریں تو رنز کی رفتار بھی کم ہوگئی۔ لاہور کی ٹیم چھ  وکٹوں پر ایک سوسولہ رنز بناسکی۔