کینبرا: آئی سی سی ویمنز ٹی ٹوئنٹی ورلڈکپ کے آٹھویں اور ٹورنامنٹ میں پاکستان کے پہلے میچ میں ویسٹ انڈین ٹیم نے پاکستان کو جیت کیلئے 125 رنز کا ہدف دے دیا۔

کینبرا میں کھیلے جارہے میچ کا ٹاس ویسٹ انڈین ٹیم کی کپتان اسٹیفنی ٹیلر نے جیت کر پہلے باری لینے کا فیصلہ کیا۔

ویسٹ انڈیز کی جانب سے کیمپ بیلے اور کپتان ٹیلر نے 43، 43 جبکہ کِربی نے 16 رنز اسکور کئے۔

پاکستان کی ڈیانا بیگ، ندا ڈار اور ایمن انور نے دو دو جبکہ انعم امین نے ایک وکٹ حاصل کی۔