سماجی رابطوں کی ویب سائٹس پر ایک ویڈیو وائرل ہورہی ہے جس کے متعلق دعویٰ کیا جارہا ہے کہ یہ ویڈیو کورونا وائرس سے خوفزدہ چینی باشندوں کے "قبولِ اسلام" کی ہے۔

اے ایف پی کے مطابق ویڈیو میں یہ بھی دعویٰ کیا گیا کہ چینی عوام کا ماننا ہے مسلمانوں پر کورونا وائرس کا اثر نہیں ہوتا اس لئے چینی باشندے اسلام قبول کررہے ہیں۔

تاہم ریورس امیج سرچ اور ڈیپ فیکٹ چیک کے زریعے پتا چلا ہے کہ یہ ویڈیو چینی عوام کے قبولِ اسلام کی نہیں، بلکہ مئی 2019 میں احمد اراندیو نامی صارف کی جانب سے پوسٹ کی گئی تھی۔ یہ ویڈیو سعودی عرب میں اسلام قبول کرنے والے انڈونیشیائی باشندوں کی ہے۔

یعنی یہ ویڈیو کورونا وائرس کے منظرِ عام پر آنے سے تقریباً چھ ماہ پہلے کی ہے۔