پاکستان کے سابق کپتان اور لیجنڈری بلے باز جاوید میانداد ایک نجی ٹی وی چینل پر اپنا مذاق بنائے جانے پر آگ بگولہ ہوگئے۔

انہوں نے نجی ٹی وی چینل کے پروگرام میں مزاق کا نشانہ بنائے جانے پر اپنے ویڈیو پیغام میں کہا ہے کہ جنہوں نے ملک کیلئے قربانیاں دی ہوئی ہوتی ہیں ان کا مذاق نہیں بنایا جاتا بلکہ عزت کی جاتی ہے۔

انہوں نے کہا کہ آپ مذاق کریں لیکن مہذب انداز اختیار کریں، لیجنڈری بلے باز نے کہا کہ ایک نجی چینل پر میری ڈمی بنائی گئی ہے اور باقاعدہ میرا نام لیا جارہا ہے۔

جاوید میانداد نے خبردار کیا ہے کہ اگر آئندہ کسی نے اس طرح مجھ پر براہ راست حملہ کیا تو اُس کے خلاف سخت قانونی کارروائی کروں گا۔

سابق کپتان نے کہا ہے کہ چینل چلانا ایک الگ چیز ہے مگر کسی کے پاس دوسرے کو بے عزت کرنے کا حق ہرگز نہیں ہے۔

جاوید میانداد کی جانب سے ناراضگی کے اظہار پر متعدد سوشل میڈیا صارفین اور معروف شخصیات نے اُن کی حامی بھری۔

سینئر صحافی عالیہ رشید نے لکھا کہ 'کسی عام آدمی کے بولنے کا انداز کا مذاق اُڑانا بُری بات ہے، یہ تو جاوید میانداد، دی اوریجنل لیجنڈ ہیں'۔

Kisi aam aadmi kay bolnay kay style ka mazaq urrana buri baat hai, ye tu Javed Miandad, the original legend, hain. https://t.co/61WOxgBHWK

— Aalia Rasheed (@aaliaaaliya) February 25, 2020

سابق ٹیسٹ کرکٹر اور جاوید میانداد کے بھانجے فیصل اقبال نے ٹویٹ کرتے ہوئے لکھا کہ 'لیونگ لیجنڈ کی عزت کریں'۔

RESPECT THE LIVING LEGEND🇵🇰🏏 Totally Agree with @I_JavedMiandad saab! Stop Insulting me show some RESPECT! Javed Miandad Angry on Shahzad Iqba... https://t.co/5RZceGYjPf via @YouTube

— Faisal Iqbal🇵🇰🏏 فیصل اقبال (@FaisalIqbalCric) February 25, 2020

ایک ٹویٹر صارف نے لکھا کہ 'جاوید میانداد ایک لیجنڈ ہیں اور انہوں نے ملک کیلئے اپنی خدمات پیش کی ہیں، برائے مہربانی انہیں عزت دی جائے'۔

@I_JavedMiandad Bhai is a legend and served this country . Please give him due respect. https://t.co/p4QGm74YWW

— Riaz Khan (@abumarwah) February 25, 2020