ایشین نیوز انٹرنیشنل کی ایڈیٹر سمیتا پرکاش نے اپنے ٹویٹ میں کہا کہ جب ٹرمپ نے اسلامک ٹیررزم اور البغدادی کا ذکر کیا تو اسٹیڈیم میں تالیاں گونجیں لیکن جیسے ہی ٹرمپ نے پاکستان کا نام لیا تو پورے اسٹیڈیم میں سناٹا چھا گیا۔

بھارتی ٹیلی وژن انڈیا ٹوڈے کا کہنا ہے کہ ٹرمپ نے جس مثبت انداز میں پاکستان کا ذکر کیا اس سے بہت سے لوگوں کو مایوسی ہوئی۔

پاکستانی تجزیہ کار لیفٹیننٹ جنرل طلعت مسعود ریٹائرڈ، شاہد لطیف اور ایئروائس مارشل ریٹائرڈ نے آج نیوز کے ساتھ خصوصی گفتگو میں کہا کہ امریکا خطے میں کشیدگی میں کمی کا خواہش مند ہے، پاکستان کو عالمی برادری میں تنہا کرنے کی بھارتی سازشیں ناکام ہوگئیں، عالمی امن کیلئے پاکستان کی کوششیں ڈھکی چھپی نہیں، امریکا سمیت سب نے پاکستان کا مثبت کردار تسلیم کرلیا، افغان امن معاہدے میں بھی ہمارا کردار اہم ہے، مسئلہ کشمیر حل کرانے کیلئے امریکا پر دباؤ ڈالنے کا صحیح وقت آگیا۔