قومی کرکٹر عمر اکمل کے مشکوک افراد سے رابطے، ذرائع کے مطابق پاکستان کرکٹ بورڈ نے مڈل آرڈر بلے باز کو شو کاز نوٹس جاری کردیا۔ عمراکمل پر 2 سے 5 سال تک پابندی لگ سکتی ہے۔

پاکستان کرکٹ کے بیڈ بوائے عمر اکمل کی معطلی کے معاملے پر پی سی بی نے باقاعدہ انکوائری کا فیصلہ کرلیا۔

پی سی بی کے پاس عمر اکمل کیخلاف ٹھوس شواہد موجود ہیں، ذرائع کے مطابق شوکاز نوٹس جاری کردیا۔ عمر اکمل کو سات روز میں جواب جمع کروانا ہوگا۔

آئندہ ہفتے باقاعدہ تحقیقات شروع کرنے پر غور، کرپشن پر عمر اکمل پر 2 سے 5 سال کی پابندی لگ سکتی ہے۔ پی سی بی نے معاملے پر آئی سی سی کو بھی اپڈیٹ کردیا۔