بین الاقوامی مالیاتی سے بات چیت پر حکومت اطمینان کا اظہار کر رہی ہے، لیکن آئی ایم ایف کا کہنا ہے کہ پاکستان کی معیشت جمود کا شکار ہے، معیشت میں بہتری نہیں آرہی، معاشی ترقی کی رفتار کم ہو رہی ہے، مہنگائی بڑھ رہی ہے۔

آئی ایم ایف سے مذکرات پر حکومت کا اظہار اطمینان،معاشی بہتری اور منی بجٹ نہ لانے کی باتیں لیکن آئی ایم ایف نے بتا دیا کہ معیشت میں کوئی بہتری نہیں آرہی،مہنگائی تیزی سے بڑھ رہی ہے۔

ایف بی آر کی کارکرگی پر بھی تشویش ظاہر کردی ،صورتحال پر قابو پانے کے لئے  امپورٹ ٹیرف کم اور برآمدات میں اضافے کے لئے آزاد تجارتی معاہدے کئے جائیں۔

ادھر پاکستانی حکام کا کہنا ہے کہ  آئی ایم ایف کو بتادیا تھا کہ بجلی کے بلند قیمتوں کے باعث برآمدات اور صنعتی ترقی میں اضافہ ممکن نہیں تاہم آئی ایم ایف کا کہنا تھا کہ پاکستان کو تعلیم، صحت، سیوریج اور  بجلی کی مد میں اخراجات میں اضافہ کرنا ہوگا۔