کراچی: پاکستان سپر لیگ کے پانچویں ایڈیشن میں شرکت کیلئے پشاور زلمی کے ڈیرن سیمی پاکستان پہنچ گئے، سیمی پی ایس ایل کیلئے پاکستان پہنچنے والے پہلے غیرملکی کرکٹر ہیں۔

پی ایس ایل فائیو کا میلہ 20 فروری سے پاکستان میں سجے گا، ایونٹ میں شرکت کیلئے غیرملکی کرکٹرز کی پاکستان آمد کا سلسلہ شروع ہوگیا۔ پشاور زلمی کے ڈیرن سیمی کراچی پہنچ گئے۔

پاکستان آمد پر ان کا کہنا ہے کہ دوبارہ یہاں آکر بہت اچھا لگ رہا ہے۔

پشاور زلمی پی ایس ایل کیلئے اپنی تیاریوں کا آغاز 14 فروری سے کراچی میں کرے گی، دوسری جانب برطانوی نژاد پاکستانی باکسر عامر خان کو بھی پی ایس ایل کے پاکستان میں انعقاد کا شدت سے انتظار ہے۔

پی ایس ایل میں عامر خان کی فیورٹ ٹیم کراچی کنگز ہے۔