چین میں کورونا وائرس سے مزید 97 افراد ہلاک ہوگئے۔ اموات 1113 ہوگئیں۔ جبکہ 2015 نئے کیسز سامنے آگئے۔ امریکا، تھائی لینڈ سمیت دیگر ملکوں کے 520 افراد میں وائرس کی تصدیق ہوگئی۔ 

ورلڈ ہیلتھ آرگنائزیشن کے جنیوا میں منعقدہ اجلاس میں وائرس کو "کووِڈ نائنٹین" کا نام دے دیا گیا۔

جاپان کی کروز شپ میں 40 نئے کیسز کی تصدیق ہونے کے بعد تعداد 175 تک پہنچ گئی۔

برطانوی ڈرگ ڈیلر میں بھی وائرس کی تصدیق ہوگئی۔ 31 سالہ مارک رومبل کو جنوری میں تھائی لینڈ سے واپس لوٹنے پر گرفتار کیا گیا، جیل میں حفاظتی انتظامات سخت کردیے گئے۔

کینیڈا اور جنوبی کوریا کے شہریوں کو ووہان سے وطن واپسی بلالیا گیا۔