آئی سی سی نے ٹیسٹ کھلاڑیوں کی تازہ رینکنگ جاری کردی، بلے بازوں میں بابراعظم پانچویں نمبر پر آگئے، بابر تینوں فارمیٹس کی رینکنگ میں ٹاپ فائیو میں جگہ بنانے والے واحد پاکستانی ہیں۔

آئی سی سی نے ٹیسٹ پلیئرز کی تازہ رینکنگ جاری کردی، راولپنڈی ٹیسٹ کے سنچورین بابراعظم کی 2 درجے ترقی ہوئی ہے اور وہ ساتویں سے پانچویں نمبر پر آگئے ہیں۔

بابراعظم تینوں فارمیٹس میں ٹاپ فائیو میں جگہ بنانے والے واحد پاکستانی کھلاڑی ہیں، ون ڈے رینکنگ میں ان کا تیسرا نمبر ہے جبکہ ٹی ٹوئنٹی رینکنگ میں وہ ٹاپ پوزیشن پر براجمان ہیں۔

اسد شفیق ترقی پاکر اٹھارویں نمبر پر پہنچ گئے، شان مسعود اور حارث سہیل کی رینکنگ بھی بہتر ہوئی۔

ٹاپ ٹین بولرز میں کوئی پاکستانی شامل نہیں، محمد عباس ترقی پاکر 14 ویں نمبر پر آگئے۔ شاہین شاہ آفریدی 32 ویں نمبر پر موجود ہیں جبکہ ہیٹرک بوائے نسیم شاہ کا 52 واں نمبر ہے۔