لاہور: پاکستان کرکٹ بورڈ نے مارلی بون کرکٹ کلب کے دورہ پاکستان کی تاریخوں کا اعلان کردیا ہے۔ سنگاکارا کی قیادت میں ایم سی سی ٹیم 13 سے 19 فروری تک لاہور میں 4 میچز کھیلے گی۔

-48 سال بعد پاکستان کے دورے پر آنے والی ایم سی سی کی ٹیم اپنے دورے کا  آغاز لاہور قلندرز کے خلاف ٹی ٹوئنٹی میچ سے کرے گی۔ دونوں ٹیموں کے درمیان میچ 14 فروری کو قذافی اسٹیڈیم لاہور میں کھیلا جائے گا۔

مہمان ٹیم 16 فروری کو پاکستان شاہینز کے مدمقابل ہوگی۔ دونوں ٹیموں کے درمیان 50 اوورز پر مشتمل میچ ایچیسن کالج میں کھیلا جائے گا۔

ایم سی سی کرکٹ ٹیم 17 اور 19 فروری کو بالترتیب ناردرن اور ملتان سلطانز کے مدمقابل ہو گی۔ ٹی ٹونٹی فارمیٹ پر مشتمل دونوں میچز ایچیسن کالج میں ہوں گے۔

شیڈول

-14 فروری : ایم سی سی بمقابلہ لاہور قلندرز بمقام قذافی اسٹیڈیم لاہور بوقت شام 5 تا رات 8:10 بجے (20 اوورز پر مشتمل میچ)۔

-16  فروری: ایم سی سی بمقابلہ پاکستان شاہینز بمقام ایچیسن کالج لاہور بوقت صبح 9:30 تا شام 5:15 بجے (50 اوورز پر مشتمل میچ)۔

-17  فروری: ایم سی سی بمقابلہ ناردرن بمقام ایچیسن کالج لاہور بوقت دوپہر 12:30 تا سہ پہر 3:40 بجے (20 اوورز پر مشتمل میچ)۔

-19 فروری: ایم سی سی بمقابلہ ملتان سلطانز بمقام ایچیسن کالج لاہور بوقت دوپہر 12:30 تا سہ پہر 3:40 بجے (20 اوورز پر مشتمل میچ)۔