لاہور: وزیرِ اعلٰی پنجاب نے لاہور میں واٹر میٹرز لگانے کے پروگرام کی منظوری دے دی۔ جتنا پانی استعمال ہوگا اتنے پیسے دینے پڑیں گے۔

وزیر اعلیٰ پنجاب سردار عثمان بزدار نے پبلک پرائیویٹ پارٹنر شپ پالیسی اور مانیٹرنگ بورڈ کے اجلاس میں لاہور میں پانی کے نلکوں پر میٹر نصب کرنے کی منظوری دے دی، واسا پانی کے نلکوں پر میٹر نصب کرے گا جس کی لاگت 10 ارب 30 کروڑ روپے آئے گی۔

وزیراعلیٰ کی جانب سے نلکوں پر میٹر لگانے کے احکامات پر شہریوں کا کہنا ہے کہ اس حکومت نے غریب عوام کو مارنے کی قسم اٹھا لی ہے۔

اجلاس میں اس بات کو بھی زیرغور لایا گیا ہے کہ اگلے مرحلے میں صارفین پہلے پیسے ادا کریں گے اور بعد میں پانی استعمال کرسکیں گے۔