مظفرآباد: وزیراعظم آزاد کشمیر راجہ فاروق حیدر کا کہنا ہے کہ مودی نے اصل واردات 35 اے کے حوالے سے کی ہے، پاکستان کو جارحانہ پالیسی اپنانا ہوگی۔

راجہ فاروق حیدر نے آج نیوز کے پروگرام 'فیصلہ آپ کا' میں گفتگو کرتے ہوئے کہا کہ زنجیریں توڑیں، آگے نکلیں، قوم کو اعتماد میں لیں، کچھ نہیں ہوتا، وقت آگیا ہے کہ آزاد کشمیر حکومت کو کشمیریوں کا حقیقی نمائندہ سمجھتے ہوئے باہر بھیجا جائےاور بات کرنے کا موقع دیا جائے۔