پشاور میں کشمیریوں سے اظہار یکجہتی کے لئے منعقد کی گئی مرکزی تقریب کے دوارن صوبائی وزیر شوکت یوسفزئی کشمیر سے متعلق خاکہ دیکھ کر آبدیدہ ہوگئے۔

پشاور کے نشتر ہال میں کشمیریوں سے اظہار یکجہتی کے لئے مرکزی تقریب کا اہتمام کیا گیا، تقریب میں کشمیریوں پر ڈھائے جانے والے مظالم کے خلاف ایک منٹ کی خاموشی بھی اختیار کی گئی۔

اس کے علاوہ کشمیریوں پر مظالم سے متعلق خاکے بھی پیش کئے گئے جن کو دیکھ کر صوبائی وزیر اطلاعات شوکت یوسفزئی آبدیدہ ہوگئے۔