وزیرخارجہ شاہ محمود قریشی نے چینی ہم منصب وانگ ژی سے ٹیلفونک رابطہ کیا۔ جس میں کورونا وائرس کے حملے اور متاثرہ علاقوں کی صورتحال کے حوالے سے تفصیلی تبادلہ خیال کیا گیا۔

چینی وزیر خارجہ کا کہنا تھا کہ چینی حکومت پاکستانی کمیونٹی کی ہرممکن مدد کررہی ہے ۔ تمام وسائل کو بروئے کار لارہے ہیں ۔

چینی وزیرخارجہ نے کورونا وائرس کے حوالے سے حفاظتی اقدامات سے بھی آگاہ کیا۔

شاہ محمود نے چینی حکومت کی کوششوں پر اطمینان کا اظہار کیا اور کہا کہ  مشکل گھڑی میں چین کے ساتھ کھڑے ہیں۔