اسلام آباد: غیر ملکی میڈیا نے دعویٰ کیا ہے کہ افغانستان میں تباہ ہونے والے امریکی فوجی طیارے میں ایران کے جنرل قاسم سلیمانی کا قاتل مارا گیا ہے۔

روسی انٹیلی جنس ذرائع نے دعویٰ کیا کہ افغانستان میں تباہ ہونے والے امریکی طیارے میں عراق ،ایران اور افغانستان میں امریکی انٹیلی جنس آپریشنز کی سربراہی کرنے والے مائیکل ڈی اندریا سوار تھے۔

Unconfirmed reports that the CIA head of anti-Iran operations, Michael D'Andrea aka Ayatollah Mike, was on board the plane that crashed near Ghazni, Afghanistan this morning.

D'Andrea also masterminded the murder of Imad Mughniyeh, former Hezbollah Chief of Staff, back in 2008.

— Brasco_Aad (@Brasco_Aad) January 27, 2020

عراق، ایران اور افغانستان کے لیے امریکی خفیہ ایجنسی کے سربراہ مائیکل ڈی اندریا پر الزام تھا کہ وہ ایرانی جنرل قاسم سلیمانی کے قتل میں ملوث ہیں جنہیں عراق میں ایک میزائل حملے میں قتل کر دیا تھا۔

ایرانی میڈیا نے دعویٰ کیا ہے کہ تباہ ہونے والا امریکی فوجی طیارہ، مائیکل ڈی اندریا کا موبائل کمانڈ آفس تھا اور اب جاسوسی کا یہ جدید ترین طیارہ تمام تر اہم معلومات کے ساتھ افغان طالبان کے قبضے میں ہے۔