مصر میں والد نے اپنی بیٹی کو ٹرین کی زد میں آنے سے بچانے کے لیے ریلوے لائن پر چھلانگ لگادی۔ ٹرین گزرنے کے بعد اسٹیشن پر موجود مسافروں نے بیٹی کو بچانے والے باپ کو خراج تحسین پیش کیا۔

اخبار 24 کے مطابق مصر کے شہر الاسماعیلیہ کے ریلوے اسٹیشن پر معمول کے مطابق لوگ ٹرین کے انتظار میں کھڑے تھے۔

ٹرین پلیٹ فارم پر آنے ہی والی تھی کہ اچانک ایک بچی پلیٹ فارم سے ریلوے لائن کے قریب جاگری۔

بیٹی کو بچانے کے لیے باپ نے چھلانگ لگائی اور اپنی بچی کو آغوش میں لے کر ریلوے لائن کے قریب ہی لیٹ گیا۔

أب في مدينة الأسماعيلية المصرية يحمي ابنته التي سقطت من على رصيف السكك الحديدية من دهس القطار#صحيفة_الخليج pic.twitter.com/T5fwMVx6Wf

— صحيفة الخليج (@alkhaleej) January 27, 2020

ریلوے لائن سے ٹرین دو منٹ تک گزرتی رہی۔ اس دوران اسٹیشن پر موجود لوگ دم بخود تھے۔ ہر ایک سلامتی کے لیے دعا کرتا رہا۔

 جیسے ہی ٹرین گزری اور دونوں بحفاظت نظر آئے تو پلیٹ فارم پر موجود لوگ خوشی سے چیخنے لگے۔ ہر ایک نے باپ بیٹی کو پرجوش انداز میں مبارکباد پیش کی۔

 ویڈیو کلپ مصری ذرائع ابلاغ میں وائرل ہوگیا۔ باپ کی جرات اور بچی کے لیے اس کے پیار پر تبصرے کیے جارہے ہیں۔