اسلام آباد: وزیراعظم عمران خان کی جانب سے برطانوی ٹریول ایڈوائزری کا خیر مقدم کیا گیا ہے۔

وزیراعظم عمران خان کہتے ہیں یہ ایک خوشخبری ہے جس سے پاکستان کے مسائل حل ہوں گے۔

انہوں نے اپنے ٹویٹر پیغام میں کہا کہ پابندیوں میں نرمی سے ملک کے نوجوانوں کو روزگار ملے گا، پاکستان میں سیاحت اور سرمایہ کاری کی راہ ہموار ہوگی، پاکستان کو معاشی مسائل اور کرنٹ اکاؤنٹ خسارے کے حل میں مدد ملے گی۔

This is great news as it will address two most important econ issues facing Pak today: employment & our current account deficit, by bringing in tourism & investment which in turn will provide employment opportunities esp for our youth. https://t.co/8iQI6wKnwz

— Imran Khan (@ImranKhanPTI) January 24, 2020

واضح رہے کہ برطانیہ نے بھی پاکستان کو محفوظ ملک قرار دے دیتے ہوئے اپنے شہریوں کو پاکستان میں سفر کی اجازت دے دی ہے۔

نئی ایڈوائزری میں کہا گیا ہے کہ برطانوی شہری پاکستان کے شمالی علاقہ جات بشمول کیلاش اور بموریت وادیوں تک بذریعہ سڑک جاسکتے ہیں۔

برطانوی ہائی کمشنر کہتے ہیں ہمیں خوشی ہے کہ اب برطانوی شہری پاکستان میں مزید خوبصورت سیاحتی مقامات سے لطف اندوز ہوسکیں گے اور میں خود بھی پاکستان کے مزید خوبصورت علاقوں کے سفر کا خواہش مند ہوں۔

برطانیہ کی طرف سے 2015  کے  بعد سفری ہدایات میں واضح  طور پر کی جانے والی یہ پہلی ترامیم ہیں۔