وزیراعلیٰ پنجاب عثمان بزدار بااختیار نہیں تحریک انصاف پنجاب اسمبلی کے پریشر گروپ کے 20 ارکان کل لاہور میں غیر رسمی اجلاس کریں گے۔

تحریک انصاف کے رکن اسمبلی غضنفر عباس چھینہ کے مطابق کل فاروڈ بلاک کے 20 ممبران لاہور میں ملاقات کریں گے۔ مشاورت میں آیندہ کے لیے اقدامات کا جائزہ لیاجائے گا۔ سب کی خواہش ہے کہ وزیراعلیٰ پنجاب عثمان بزدار بااختیار ہوں۔ چیف سیکرٹری سے کہا گیا ہے کہ جو کام آپ کے کہنے پر ہوتا ہے وہ ان کی درخواست پرکیوں نہیں ہوتا؟

غضنفر عباس چھینہ کا کہنا ہے کہ حلقوں کے لیے ترقیاتی منصوبے چاہتے ہیں۔ چاہتے ہیں کہ ہمیں عوام اورحلقوں کے لیے ترقیاتی پیکج دیے جائیں۔ عوام کے مسائل حل کرنے آئے ہیں، اس کے لیے ہی جدوجہد کررہے ہیں۔