سرمد سلطان کھوسٹ کو فلم 'زندگی تماشہ' کی ریلیز مؤخر کرنے کی ہدایات جاری کردیں گئی۔

معاون خصوصی برائے اطلاعات فردوس عاشق اعوان نے ٹویٹ میں کہا کہ مرکزی فلم سنسر بورڈ نے فلم “زندگی تماشا” کا تنقیدی جائزہ لینے کے لئے فوری طور پر اسلامی نظریاتی کونسل سے رجوع کرنے کا فیصلہ کیا ہے۔ پروڈیوسر کو فلم کی ریلیز مؤخر کرنے کی ہدایت بھی جاری کر دی گئی۔

مرکزی فلم سنسر بورڈ نے فلم “زندگی تماشہ” کا تنقیدی جائزہ لینے کے لئے فوری طور پر اسلامی نظریاتی کونسل سے رجوع کرنے کا فیصلہ کیا ہے۔ پروڈیوسر کو فلم کی ریلیز مؤخر کرنے کی ہدایت بھی جاری کر دی گئی۔

— Dr. Firdous Ashiq Awan (@Dr_FirdousPTI) January 21, 2020

اس سے قبل معروف فلم ساز سرمد کھوسٹ کو فلم کی ریلیز روکنے کیلئے دھمکیاں ملنے کا انکشاف ہوا تھا، فلم کو 24 جنوری کو ریلیز کیا جانا تھا۔

سرمد کی جانب سے گزشتہ روز ٹوئٹر پر ایک پوسٹ شیئر کی گئی جس میں انہوں نے انکشاف کیا ہے کہ انہیں فلم 'زندگی تماشا' کی ریلیز کو روکنے کیلئے درجنوں دھمکی آمیز فون کالز اور میسجز کئے جارہے ہیں۔

یہ بھی پڑھیں: سرمد کھوسٹ کی فلم ‘زندگی تماشا’ نے بین الاقوامی ایوارڈ اپنے نام کرلیا

ان تمام دھمکیوں کے بعد فلم ساز نے ٹوئٹر صارفین سے سوال کیا کہ کیا وہ فلم کی ریلیز کو روک دیں؟

انہوں نے اس ٹوئٹر پوسٹ میں ایک تفصیلی خط بھی شیئر کیا جس میں پاکستان اور پاکستانیوں کو مخاطب کرتے ہوئے وضاحت کی ہے کہ فلم 'زندگی تماشا' میں کسی مذہبی فرقے یا لوگوں کے جذبات کو مجروح نہیں کیا گیا ہے۔

Getting dozens of threatening phone calls and msgs. Should I withdraw Zindagi Tamasha? pic.twitter.com/OJB396B1xq

— Sarmad Khoosat (@KhoosatSarmad) January 19, 2020

اس کے علاوہ انہوں نے اپنے انسٹاگرام پر بھی ایک دھمکی آمیز میسج کا اسکرین شاٹ بھی شیئر کیا ہے۔

 

View this post on Instagram

 

I will not stoop like you. I have hidden your number. This is one of at least a 100 such messages. And my phone hasn’t stopped ringing. I had to switch it off. That’s my phone number and ID card number right there.

A post shared by Sarmad Khoosat (@sarmadkhoosat) on Jan 19, 2020 at 6:46am PST

چند روز قبل سرمد کھوسٹ نے وزیر اعظم، صدرِ پاکستان، چیف جسٹس آف پاکستان، معاونِ خصوصی برائے اطلاعات اور چیف آف آرمی اسٹاف کے نام ایک کھلا خط بھی لکھا تھا جس میں بتایا گیا تھا ان کی فلم 'زندگی تماشا' کو 24 جنوری کو ریلیز کیا جانا ہے تاہم اسے روکا جارہا ہے۔

اس فلم کی شریک پروڈیوسر سرمد کی بہن کنول کھوسٹ ہیں جبکہ کاسٹ میں سمیا ممتاز، عارف حسن، ایمان سلیمان اور علی قریشی شامل ہیں۔ اس کے علاوہ فلم کا اسکرپٹ نرمل بانو نے تحریر کیا ہے۔

واضح رہے کہ فلم 'زندگی تماشا' گزشتہ برس اکتوبر میں 24 ویں بشان فلم فیسٹیول میں 'کم جے سُک' ایوارڈ حاصل کرنے میں کامیاب رہی تھی۔