چیف الیکشن کمشنر، سندھ ، بلوچستان سے الیکشن کمیشن  کے ارکان کی تعیناتی کے معاملہ پر پارلیمانی کمیٹی اتفاق رائے کے قریب پہنچ گئی، سکندر سلطان راجا کو چیف الیکشن کمشنر تعینات کئے جانے کا امکان ہے ۔ کمیٹی کا اجلاس کل پھرہوگا ۔

 چیف الیکشن کمشنر و اراکین سندھ بلوچستان کی تقرری کے لئے پارلیمانی کمیٹی کا اجلاس ڈاکٹر شیریں میزاری کی صدارت میں منعقد ہوا، اجلاس میں اپوزیشن کی طرف سے ناصرمحمود کھوسہ، اخلاق تارڑ اور عرفان قادرکے نام پیش دیئے گئے ۔

وزیراعظم کے بعد اپوزیشن لیڈرکی طرف سے نام پیش کئے جانا آئینی ذمہ داری تھی ۔ میڈیا سے گفتگوکرتے ہوئے رکن کمیٹی مشاہد اللہ نے کہا کہ  امید ہے کہ کل نام پراتفاق ہوجائے گا ۔

 ذرائع کا کہنا ہے کہ چیف الیکشن کمشنرکے لئے  سکندرسلطان راجہ کے نام پر اتفاق کیاگیا ہے جس کا اعلان حکومت کی طرف سے کل پارلیمانی کمیٹی کے اجلاس میں اپوزیشن سے طے شدہ فارمولہ تسلیم کئے جانے پرکیا جائے گا ۔ پارلیمانی کمیٹی کا اجلاس کل پھرہوگا  ۔