انڈرنائنٹین کرکٹ ورلڈکپ جنوبی افریقا میں جاری ہے، قومی ٹیم اپنی مہم کا آغاز کل اسکاٹ لینڈ کیخلاف میچ سے کرے گی۔

انڈرنائنٹین کرکٹ ورلڈکپ میں شاہینوں کا پہلا امتحان، اسکاٹ لینڈ سے پوچفسٹروم میں کل مقابلہ ہوگا۔ پاکستان کی قیادت روحیل نذیر کررہے ہیں۔

ورلڈکپ میں اپنے پہلے میچ کیلئے شاہینوں نے کمرکس لی، پریکٹس سیشن میں خوب جان لگائی۔ فيلڈنگ، بيٹنگ اور بولنگ کی مشقیں کیں۔

قومی ٹیم کے ہیڈ کوچ اعجاز احمد نے بھی پلان بنالیا ہے۔ میچ پاکستانی وقت کے مطابق دوپہر 1 بجے شروع ہوگا۔

واضح رہے کہ پاکستان 2004 اور 2006 انڈرنائنٹین کا چیمپئن بن چکا ہے۔