خشک میوہ جات کو دیکھ کر ویسے تو ہر انسان کا کھانے کا دل چاہتا ہے مگر کیا آپ جانتے ہیں کہ ان کے فوائد کیا ہیں اور یہ انسان کو کن کن بیماریوں سے بھی محفوظ کرتے ہیں؟اگر نہیں تو کوئی بات نہیں یہ ہم آپ کو بتائیں گے۔ماہرین صحت کا کہنا ہے کہ اگر آپ خشک میوہ جات کا استعمال کرتے ہیں تو نہ صرف بیماریوں سے بچتے ہیں بلکہ اس سے ایسے فوائد حاصل کرتے ہیں جن کے بارے میں سوچ بھی نہیں سکتے۔آج ہم بادام، کاجو، پستہ، اخروٹ، مونگ پھلی، چلغوزہ اوربیج جیسے خشک میوہ جات میں چھپے ایسے رازوں کو آپ کے سامنے لائیں گے جسے جان کر آپ حیران ہوجائیں گے۔

اگر آپ وزن کم کرنا چاہتے ہیں تو اس کے لئے بھی خشک میوہ جات کا استعمال کافی معاون ثابت ہوسکتا ہے طبی ماہرین کا کہنا ہے کہ خشک میوہ جات جسم کو درکار غذائیت پوری کرنے اور نیا خون بنانے میں کافی اہم کردار ادا کرتے ہیں تو یوں وزن بھی کنٹرول میں رہتا ہے۔ ایک تحقیق سے یہ بات بھی ثابت ہوئی ہے کہ وہ افراد جو اپنی روز مرہ زندگی میں خشک میوہ جات کا استعمال کرتے ہیں وہ دوسروں کی نسبت موٹاپے کاساٹھ فیصد کم شکار ہوتے ہیں۔

خشک میوہ جات کے استعمال کے اثرات

خشک میوہ جات کا استعمال قوت مدافعت بڑھا کر خطرناک بیماریوں سے بچاتا ہے اور جلد موت کے خطرے کو بھی ٹالتا ہے ۔
خشک میوہ جات شوگر اور سانس کی بیماری میں مبتلا افراد کے لئے نہایت فائدے مند بتائے جاتے ہیں ان کی مددسے بیماری کو کنٹرول کرنے میں مدد ملتی ہے۔
خشک میوہ جات کا استعمال اعصابی نظام کو تقویت بخشتا ہے اور اس کی مدد سے آپ کی یاداشت بھی کافی بہتر ہوجاتی ہے اس لئے کمزور یاداشت والے حضرات اس کا ستعمال ضرور کیا کریں۔
خشک میوہ جات کے استعمال سے کینسر جیسی مہلک بیماری آپ کے قریب بھی نہیں آسکتی۔
خشک میوہ جات کھانے والے حضرات ایک رپورٹ کے مطابق تئیس فیصد تک جلد موت کے امکان کو رد کردیتے ہیں۔
اس کا استعمال کرنے والے حضرات اعصابی بیماریوں میں پینتالیس فیصد ،سانس کی بیماریوں میں انتالیس فیصد جبکہ شوگر کے مرض میں تیس فیصد خطرہ کم کرلیتے ہیں۔
خشک میوہ جات کا استعمال کرنے والے لوگوں میں دل کا پڑنے کا خطرہ بھی بیس فیصد تک کم ہوجاتا ہے۔
خشک میوہ جات میں اومیگا تھری، فیتی ایسڈ، وتامن ای اور اس کے علاوہ مفید چکنائیاں ہوتی ہیں جو دماغ کی مجموعی صحت کے لئے کافی فائدہ مند ہوتی ہیں۔
خشک میوہ جات میں سستا اور لذیز میوہ مونگ پھلی ہے اس میں تیل کی کافی مقدارہوتی ہے لیکن آپ اسے جتنا بھی کھالیں آپ کا وزن نہیں بڑھے گا۔
اخروٹ کا ستعمال چنبل جیسی جلدی بیماری سے بھی دور رکھتا ہے۔
چلغوزے کا استعمال گردے اورجگر کو طاقت دیتا ہے اور انہیں بیماریوں سے بھی بچاتا ہے۔

اسی لئے خشک میوہ جات کا عام روٹین میں استعمال بہت ضروری ہے اور ہر شخص کو اسے لازمی استعمال کرنا چاہئے تاکہ ہمیشہ صحت مند رہیں اور خوشحال زندگی بسر کرسکے۔